Udhëheqësit të Partisë së Lirisë (FPO) të ekstremit të djathtë me një linjë të ashpër anti-islam dhe anti-emigracion të Austrisë, Herbert Kickl mund t'i kërkohet nga presidenti i vendit të formojë qeverinë e ardhshme.
Të dielën kreu i ri i Partisë Popullore konservatore të Austrisë (OVP) tha se ai priste që FPO e Kickl, e cila doli e para në zgjedhjet parlamentare të shtatorit, të ngarkohet me formimin e një qeverie pasi bisedimet për të formuar një koalicion centrist dështuan.
Kickl e ka paraqitur veten si "Volkskanzler" i ardhshëm, ose kancelari i popullit - një term që nazistët e përdornin për Adolf Hitlerin. Në vitin 2010, Kickl kundërshtoi cilësimin e SS-ëve të Hitlerit "fajtor kolektiv" për krime lufte. Kickl dhe FPO kundërshtojnë sanksionet kundër Rusisë për pushtimin e saj në Ukrainë, duke thënë se ato shkelin neutralitetin e Austrisë.
Ai ka përqafuar teoritë e konspiracionit, duke pretenduar se agjenti kundër krimbave ivermectin është efektiv kundër COVID-19, siç bëri edhe presidenti i sapozgjedhur i SHBA, Donald Trump. Kickl shmang festat dhe është I apasionuar me atletikën ku ka konkurruar në ultra-triathlonin e stilit Ironman.
Komente
