Një aksident i rëndë ka ndodhur mbrëmjen e sotme (10 mars 2025) në aksin rrugor Lezhë-Shkodër, pranë kryqëzimit të fshatit Dajç.
Një motor është përplasur me një kamion me shofer 28-vjeçarin me inicialet K.Z.. Kamioni po transportonte një eskavator.
Përplasja ka qenë e fortë, duke i shkaktuar plagë të rënda drejtuesit 51-vjeçar të motorit, të identifikuar si Arben Tanushi, i cili ka ndërruar jetë në spital.
"Rreth orës 20:50, në aksin rrugor Lezhë – Mabe, në zonën e Dajçit, një automjet tip “Kamion”, i drejtuar nga shtetasi K. Z., 28 vjeç, është përplasur me një motomjet me drejtues shtetasin A.T, 51 vjeç",- njofton policia.
Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.
Ndërsa drejtuesi i kamionit është shoqëruar në Komisariat për veprime të mëtejshme procedurale.
Komente
