Ka dalë sot para trupës gjykuese Ritvan Zykaj, autor i masakrës së Selenicës ku mbetën të vrarë 8 persona. Që pas seancës së sotme, Zykaj do të mbrohet nga një tjetër avokat pasi avokati i mëparshëm nuk paraqitej në seancat gjyqësore ndaj të pandehurit.
Seanca e radhës ndaj Ritvan Zykajt do të mbahet në datën 7 Maj.
Jashtë dyerve të Gjykatës një dëshmitar tha për mediat se shtëpia ku jetonte Zykaj është braktisur nga familjarët dhe askush nuk jeton më atje.
"E kam tokën afër atje.Vendi ishte rrethuar me polici atje dhe nuk pashë asnjë atje. Familjarët e tij kanë ikur të gjithë. Askush nuk jeton më atje", tha dëshmitari.
Një muaj më parë prokuroria e Vlorës konfirmoi se do të kërkohet burgim i përjetshëm për Zykajn.
Ritvan Zykaj vrau me arme zjarri tetë persona, nga të cilët dy të mitur. Demir Zykaj 76 vjeç, Perri Zykaj 76-vjeç, Besim Zykaj 45-vjeç (i biri), Vasilika Zykaj 40 vjeç (bashkëshorte e Besimit), Sara Zykaj 17 vjeçe (vajza e Besimit) Ledion Zykaj 6 vjeç (djali i Besimit), Azem Zykaj 49 vjeç (i biri), Afërdita Zykaj 47- vjeç (bashkëshorte e Azemit) ishin 8 personat që u vranë nga dora e Ritvan Zykajt.
Në deklaratat e tij të para autori i masakrës tha se i vrau për shkak se e akuzonin për vjedhjen e pulave.
Ritvan Zykaj sot para gjykatës
Komente
