Autoritetet amerikane identifikuan personin që thonë se është përgjegjës për shpërthimin në qytetin Nashvill, në Ditën e Krishtlindjeve.
Bëhet fjalë për 63 vjeçarin Anthony Quinn Warnerin. Hetuesit thanë se ai ka vdekur nga shpërthimi.
Ata konstatuan se ADN-ja e mbetjeve njerëzore, të gjetura në vendin e shpërthimit, i përkiste Warnerit.
Autoritetet thanë se besojnë se ai ka vepruar i vetëm, por ato nuk e kanë zbuluar ende motivin që mund të fshihet pas bombardimit.
I pyetur nga gazetarët nëse shpërthimi mund të konsiderohet si terrorizëm i brendshëm, agjenti i posaçëm i FBI-së, Douglas Korneski, tha: “Nuk mund të komentoj në këtë pikë”.
Sulmi i 25 dhjetorit la tre persona të plagosur dhe shkatërroi disa ndërtesa historike.
Komento
