Dy ditë më parë mediat në Spanjë raportuan se Diego Simeone me shumë mundësi në fund të sezonit do largohet nga Atletico Madrid, atje ku është emëruar që në 2011 dhe ku është bërë trajneri më i paguar në botë.
Që prej atëhere ai ka fituar dy herë La Liga-n dhe ka shkuar dy herë në finalen e Champions League, por këtë sezon është eliminuar që në grupe dhe është larg kryesuesve në kampionat. Gjithsesi më shumë se këto detaje duket se ambienti ka nevojë për ndryshime dhe kjo është arsyeja që Simeone mund të largohet.
Deri më tani skuadrat më pretendente për të marrë trajnerin janë skuadrat në Premier League, por në Itali kanë filluar të ëndërrojnë për shkak të një lidhje që argjentinasi ka me Interin, skuadrën me të cilën ka qenë pjesë si lojtar. Në lidhje me këtë mundësi Simeone kishte folur më herët në 2018.
“Interin e konsideroj gjithmonë një opsion, por tani kanë një trajner si Spaleti që po bën shumë mirë dhe unë jam i fokusuar te puna ime me Atletikon. Stoli i Interit do të më besohet në momentin e duhur, atëherë kur është për të ndodhur,”- shprehej Simeone në 2018-ën.
Ne.k./ReportTv.al![](https://www.report-tv.al/template/img/antipiracynote.jpg)