Rudy Giuliani, avokati personal i Presidentit në detyrë Donald Trump, ka rezultuar pozitiv me koronavirus.
Këtë e ka bërë të ditur vetë Trump përmes një postimi në faqen e tij në Twitter.
"RudyGiuliani, deri tani kryebashkiaku më i madh në historinë e New York, i cili ka punuar pa u lodhur duke ekspozuar zgjedhjet më të korruptuara (deri tani!) në historinë e SHBA-ve, ka rezultuar pozitiv me virusin e Kinës. Shpresoj të shëroheni sa më shpejtë Rudy, ne do të vijojmë rrugën tonë më tej!" - shkruan Trump në Twitter.
Ish-kryebashkiaku i New York ka qenë në krye të përpjekjeve të ashpra të Trump për të përmbysur humbjen e tij në zgjedhjet e 3 nëntorit ndaj Presidentit të zgjedhur Demokrat Joe Biden përmes një sërë gjyqesh.
Kjo punë e ka çuar Giuliani në shtete të ndryshme të SHBA-së si Michigan dhe Arizona, ku ai u ka bërë thirrje ligjvënësve shtetërorë të ndalojnë çertifikimin e fitores së Biden.
.@RudyGiuliani, by far the greatest mayor in the history of NYC, and who has been working tirelessly exposing the most corrupt election (by far!) in the history of the USA, has tested positive for the China Virus. Get better soon Rudy, we will carry on!!!
— Donald J. Trump (@realDonaldTrump) December 6, 2020
Komente
