Avokati Maks Haxhia tha se vendimi për të dënuar Saimir Tahirin ishte një vendim skandaloz. I tronditur nga vendimi i gjykatës siç tha dhe vetë, Hxhia u shpreh para gazetarëve se nëse dënimi i Tahirit do të kënaqë opinionin shqiptar le të quhet i përmbushur. Sipas Haxhisë, nëse kjo është forma sesi luftohet korrupsioni, duke futur Tahirin në burg, avokati paralajmëroi politikanët e tjerë, që të vishen trashë.
'Lidhur me këtë vendim, pavarësisht se jam avokat, ishte një vendim skandaloz. Dy gjëra dihet që janë të sigurta në këtë vend lindja dhe vdekja. Nëse dënimi i Tahirit do të kënaqë opinionin shqiptar le të quhet i përmbushur. Kjo gjykatë bëri atë që nuk mund të bëhet nga pikëpamja juridike. Sa për sqarim neni 59 nuk ka të bëjë me dënimin por është një formë e vuajtjes së dënimit, aplikimi i një formë të tillë është një formë hakmarrje dhe kënaqje të drejtësisë. shpërdorimi i detyrës nuk është në kompetencë të kësaj gjykate. Dënimi me 3 vite e katër muaj, ishte e papritur dhe non sense juridik që të hiqej pezullimi. Ky vendim ishte për të kënaqur. Ky vendim ka të bëjë me faktin, pavarësisht që na bën optimist i tremben pafajësisë në GJL. Nuk justifikohet vendimi. Sot Tahiri siç e patë i kishte mundësitë mos të vinte, kishte njerëz që i thanë ik, po ai tha se do të përballej më drejtësinë. Ky vendim ishte një vendim për të njollosur Tahirin. I kishim diskutuar edhe më parë vendimet. Nëse kjo është Reforma që të luftohet korrupsioni, duke futur në burg Tahirin të gjithë politikanët të vishen trashë.'- tha Haxhia.
Lajmi kryesor:
Në qeli Saimir Tahiri, Apeli i GJKKO dënon ish-ministrin e Brendshëm me 5 vite burg! Do të vuajë 3 vite e 4 muaj prej gjykimit të shkurtuar, shoqërohet për te '313-a'! Të gjitha argumentet e Gjykatës
M.Q.//ReportTv.al