David Hooper, avokat i ish-presidentit Hashim Thaçi, ka kërkuar lirimin e tij nga paraburgimi në Hagë. Në kërkesën 28 faqëshe që ia ka bërë Gjykatës Speciale, ai ka renditur edhe disa arsye se pse Thaçi duhet të lirohet me kusht.
Hooper shkruan se Zyra e Prokurorit të Specializuar, në pretendimet e saj përmend shembuj të frikësimit të dëshmitarëve të cilat nuk janë aktuale, por janë të para 13 viteve, raportojnë mediat vendase.
“Përzierja e problemit janë paragrafët 18 deri 26 të përmendura nga ZPS si “Ilustrues i një trendi më të gjerë shqetësues” në lidhje me ndërhyrjen e dëshmitarëve dhe frikësimin. Shumica e shembujve shkojnë prapa dhjetë deri në tetëmbëdhjetë vjet. Asnjë nuk është bashkëkohor”, thuhet në kërkesën e Hooper.
Ai tutje shkruan se në pretendimet e ZPS-së nuk është i përfshirë direkt Thaçi dhe se nuk ka material që e bëjnë atë përgjegjës për ndërhyrjen në dëshmitarë.
“Asnjë, madje edhe nga narracioni i ZPS-së, nuk e përfshin z. Thaçi. Atje nuk ka material (përfshirë Aneksin 2, në faqet 10 deri 27) për të treguar se ai ishte përgjegjësi në çdo gjë që ka të bëjë me ndërhyrjen e dëshmitarëve. Në vend të kësaj, ne kemi mbetur me të pretendime të pabazuara, referuar nga deklaratat e bëra nga palët e treta, që nuk kanë rëndësi dhe nuk japin asnjë bazë për të pohuar frikësimin e dëshmitarit në lidhje me z. Thaçi”, ka shkruar Hooper.
Ndër të tjera, Hooper përmend edhe faktin që asnjë akuzë e paraqitur në raportin e senatorit zviceran, Dick Marty, nuk është përfshirë në aktakuzën ndaj ish-presidentit dhe të tjerëve.
Thaçi së bashku me tre ish-luftëtarë të tjerë gjenden në paraburgim prej datës 5 Nëntor, ndërkohë që seanca e rradhës pritet të mbahet me 17 Dhjetor.
Komente
Nuk ka asnje danke politike,morale e kombetare per Thaçn,Kadriun,Jakupin e Rexhepin.Vetem nese ndeshkohen pse kerkuan dhe luftuan per çlirimin e vendit dhe liri te shqiptarve te roberuar me shekuj nga dhuna barbare mesjetare sllave,Hashim qe nga Rambujeja asnje vendim,marrveshje apo qendrim per dhe rreth Kosoves se roberuar,nuk eshte marr pa nenshkrimin e pare te Tija.Ky eshte gabimi dhe fajesimi i vetem i Hashimit dhe shokeve te Tija.
PërgjigjuUne nuk kam fakte qe i ngarkojn apo jo, sa i perket vrasjeve gjate luftes mendoj se eshte komplot. Duhet te theksohet se me rastin e Deshmitarit X, mund ta gjeni videon kur Thaqi (ne studio viti 2011) thekson se ai do te PUBLIKOJE (shpalle) listen e deshmitareve!!! Kjo eshte pa koment!!! Per tu kuptuar!!!