Kontributi në betejat profesionale, përtej mbrojtjes të interesave të klientëve, por veçanërisht në zbulimin e aferave të pushtetit, avokatit Idajet Beqiri, i sulmuar publikisht nga Sali Berisha dhe të tijët, Flamur Noka, Belind Këlliçi, e më gjerë, iu vlerësua, nga kolegët.
Beqiri u zgjodh “toga e artë 2025”, çmim që iu akordua nga Shoqata e Avokatëve Penalistë të Shqipërisë. Falendërues për vlerësimin, Beqiri foli edhe për sfidat e avokatëve sot me sistemin gjyqësor.
“S’ka gjë më të madhe kur të vlerësojnë kolegët. Përplaset avokati me kauzën dhe gjykatat tona japin vetëm 2% pafajësi. Në Francë, në Gjermani, shkon akuza e prokurorisë në gjykatë dhe avokatët marrin 20% pafajësi”, tha Beqiri.
Shqetësim për punën e avokatëve, shprehu edhe kreu i shoqatës, Saimir Visha.
“Situatë shumë e rendë e avokatisë shqiptare, nuk e imagjinonim që kjo reformë të prekte sistemin e avokatisë. Jemi ne një sistem inkuizitor. Nuk është minimizuar korrupsioni por ka ndryshuar formë. Nuk ka ndodhur asnjëherë qe prokurori dhe gjyqtari te caktojnë avokatë. Marrin leket nga avokatët qe caktojnë avokat”, tha Visha.
Përveç avokatit Idajet Beqiri, me çmimin “Toga e Artë”, për punën e mirë të kryer, u vlerësuan edhe avokatët Ismail Uka, Joana Qeleshi, Edmond Dema dhe Alketa Boci Kurti.
Një minutë heshtje u mbajt për avokatët e ndarë nga jeta, mes tyre edhe Ravik Gurra i vrarë për shkak të profesionit në mars 2019.
Komente
AH,SIKUR TË KISHIM MË SHUMË AVOKATË TË NDERSHËM E KURAJOZË SI ZOTI IDAJET BEQIRI.
PërgjigjuIdajet Beqiri je burr i vērtet e meriton ktē nder.RRESPEKT
PërgjigjuAvokatet,ne rastet me te shumta jane matrapaze.Kur avokatet te zbatojne detyren sipas ligjit,do ndryshojne drejtesine.
PërgjigjuSajmir Visha dekoron Odajetin eh çvete mo vëllezer, cirku në fshat me Ben Shakën
PërgjigjuNa bëhet qejfi për vlerësimin që u bëhet këtyre avukatve të nderuar.
PërgjigjuE meriton