Aktorja e njohur Zamira Kita ka bërë një rrëfim të rrallë për jetën e saj dhe raportet e saj me njerëzit. Në rrjedhën e historisë së saj, ajo u ndal tek vajza e saj, me të cilën ngeli shtatzënë në moshën 40-vjeçare.
Kita e përshkroi këtë moment si mjaft emocionues, dhe ndoshta kjo shtatzëni erdhi nga takimet plot mall që kishte me bashkëshortin, të cilin e takonte edhe rrallë asokohe.
Aktorja tregoi se më herët, në moshën 32-vjeçare kishte abortuar dhe se shtatzëninë e dytë nuk kishte asnjë arsye për të ndalur. Ishte pikërisht ky moment thotë ajo, që vulosi marrëdhënien e saj të dashurisë prej 14 vitesh, duke e çuar atë drejt martesës.
“Ishte kufiri i kohës sime biologjike dhe atë fëmijë e kisha dëshiruar shumë”, tha Zamira, teksa foli edhe për marrëdhënien që ajo ka me vajzën e saj e cila tashmë është në moshën 20-vjeçare.
Zamira, në podcastin e “Zë me Mirën”, tregoi se për bashkëshortin e saj është detyruar të lë shumë ëndrra mënjanë.
“Kam lënë shumë role në teatër, në film”, thotë ajo, “se nuk i pëlqenin Benit”.
Ajo kujtoi se edhe kur është martuar i është dedikuar tërësisht atij, ndërsa tregon se i tha që do të lërë çdo gjë, vetëm për të. Ajo shprehet krenare që emrin e saj e krijoi në Korçë.
Në rrjedhën e këtij rrëfimi, Zamira u ndal edhe tek familja e bashkëshortit, e cila tha se nuk e kanë dashur kurrë si nuse. E teksa nëna si përfundim mundi ta pranonte, babai i bashkëshortit vdiq duke mos i folur dhe mos i dhënë as dorën, ndërkohë që aktorja u përkujdes që atij mos t’i mungonte asgjë gjatë kohës që ai ishte sëmurë.
“Beni nuk ishte xheloz, por kishte problemin e gjykimit në Korçë. Ata nuk më kanë dashur kurrë, madje e kanë patur tmerr që ai të martohej me mua. Nuk donin në asnjë mënyrë që Beni të martohej me mua. Nëna e tij vetëm kur ne u martuam, më priti, më tha që po të do djali, edhe unë do të dua. Babai Benit nuk më foli kurrë, (qan) ai ndërroi jetë dhe ai nuk ma dha dorën kurrë ndërkohë që unë jam kujdesur shumë për të edhe në spital. Kur unë i thoja Benit dua të hyj ta takoj, ata më thonin, jo se mund të marrë ndonjë goditje emocionale.”, rrëfeu aktorja.
Komente
Znj.Kita,pavaresisht arsyeve, do te ishte mire qe problemet me /in-laws/ t'i lije private,jo t'i tregoje per publikun,ne te fundit,ata jane prinderit e bashkeshortit tuaj e gjysherit e vajzes tuaj.Ju keni dashurine dhe respektin e bashkeshortit tuaj dhe vajzes tuaj dhe kaq mjafton.
Përgjigju