Dy fëmijët nëna e të cilëve u vra nga babai në ditët e para të vitit 2019, do të rriten nën kujdestarinë e dajës së tyre. Gjykata e Fierit vendosi që vajza 10-vjeçare dhe djali 4-vjeçar të jenë nën kujdestarinë ligjore të dajës së tyre, Gjyshmir Caushaj.
Gazmend Musta vrau më 2 janar gruan e tij, Gentjana Musta, vetëm pse kjo e fundit kërkoi që të shkonte për vizitë tek prindërit e saj për Vitin e Ri.
Ngjarja tragjike ndodhi në Ballsh. Gjatë konfliktit, Gazmendi vrau edhe motrën e nuses së tij, e cila kishte ardhur për vizitë tek familja e tyre, në mënyrë që më tej të rikthehej bashkë me motrën e saj të martuar, tek prindërit. Gjykata e Fierit rrëzoi kështu kërkesën e gjyshërve të fëmijëve nga ana e babait.
Prindërit e Gazmend Mustës kërkonin t'i merrnin ata në kujdestari fëmijët, por gjykata ka vendosur në favor të familjarëve të gruas së ndjerë që u vra nga bashkëshorti. Gjatë gjithë kësaj periudhe fëmijët kanë qëndruar në fshatin SOS, nën kujdesin e psikologëve
Komente
