TIRANË- Gjykata e Krimeve të Rënda ka lënë në fuqi masat për Fredi Alizotin dhe Jetmir Olldashin. Kujtojmë që masat ishin: "detyrim paraqitjeje" për Olldashin dhe "arrest me burg" për Alizotin.
Gjatë seancës, avokati i gazetarit Jetmir Olldashi, Çlirim Gjata, ka kërkuar që Krimet të shpallin moskompetencë për çështjen, kërkesë e cila u rrëzua nga gjyqtarja Liljana Baku.
Pas seancës, në një prononcim për mediat Gjata dhe avokati tjetër i Olldashit u shprehen se elementët e veprës penale për të cilat akuzohet klienti i tij, nuk eksitojnë, pasi ai thjesht po kryente një investigim për drogën në qytetin e Vlorës dhe se nuk kishte rëndësi ku e kishte botuar këtë përgjim, tek PD, apo në një media.
Ndër të tjera Çlirim Gjata deklaroi se: “Nëse procedura e marrjes së kampionit të zërit nuk është e rregullit, bie prova”.
Fredi Alizoti sot para gjykatës
Alizoti nuk dha asnjë shpjegim përballë trupës gjykuese, duke u shprehur se i qëndronte deklarimeve që kishte dhënë.
Jetmir Olldashi dhe Fredi Alizoti sot para gjykatës
Po ashtu avokati i Fredi Alizotit mohoi që klienti i tij të ishte kunati i Babales.
Me aq sa di nga marrëdhëniet e tyre, Fredi Alizoti nuk është kunati i Albert Veliut. Nëse kanë lidhje miqësore apo armiqësie do të dalë në fund të hetimit
Avokati i Fredi Alizotit
Report Tv zbuloi ekskluzivisht dosjen e Prokurorisë së Krimeve të Rënda, ku thuhet se Fredi Alizoti, kunati i Albert Veliut i quajtur ndryshe "Babale" ka pranuar se ka imituar zërin e Agron Xhafajt dhe për këtë shërbim ai sëbashku me 'Babalen' do paguheshin 200 mijë euro nga deputeti i PD, Ervin Salianji.
Komente
