Kreu i grupit parlamentar, Taulant Balla ka komentuar marshimin e zhvilluar ditën e sotme në Gjermani.
Në një reagim të shkurtër në mediet sociale, Balla ka hequr një paralele mes marshimit që kanë zhvilluar qytetarët gjerman dhe atij të drejtuar nga kryedemokrati Lulzim Basha. Sipas tij, këto dy marshime nuk kanë aspak ngjashmëri me njëra tjetrën. Në Gjermani, marshohet rrugëve të qytetit për të ngritur zërin e tyre në mbështetje të Evropës së Bashkuar, e ndërsa për Ballën në Shqipëri, disa njerëz të korruptuar protestojnë me qëllim dëmtimin e imazhit të Shqipërisë.
"Sot në Gjermani me dhjetëra mijëra vetë dolën në rrugët e qyteteve kryesore duke ngritur zërin e tyre në mbështetje të Evropës së Bashkuar. Protestat në formën e marshimeve paqësore kundër nacionalizmit u mbajtën në shtatë qytete të mëdha të vendit: në Berlin, Frankfurt, Hamburg, Këln, Lajpcig, Mynih dhe Shtutgart.
“Një Europë për të gjithë: zëri juaj kundër nacionalizmit”, ishte mesazhi i protestës, me marshimet e mbështetura nga më shumë se 100 organizata të shoqërisë civile dhe parti të ndryshme politike.
Ndërsa në Shqipëri disa politikanë të korruptuar thërrasin dhe mbledhin në protesta militantë, punonjës të bashkive ku partitë e tyre qeverisin, përfshirë persona të paguar, me prirje vandale, me qëllim dëmtimin e imazhit të Shqipërisë. Protestat e opozitës në Shqipëri, të cilat në javët e fundit janë shoqëruar me dhunë dhe sulme kundër institucioneve, janë kundër Reformës në Drejtësi, si kusht themelor në rrugën Europiane të vendit tonë, janë kundër institucioneve demokratike të zgjedhura me votë, janë përpjekje të dështuara në prag të vendimit historik të Këshillit Europian për fillimin e bsedimeve për anëtarësim mes BE dhe Shqipërisë + Maqedonisë së Veriut", shkruan Balla.
Komente
O viçi pa lëpir i gjithi këllir sali berisha
Përgjigjushqipetaret luftojne per BuKen e gojes kurse gjermanet per nje super jetese
PërgjigjuBirisha ban protesta paqsore se me dasht ai kall tan shqiptaret qe nuk i bindet ai asht zot e mbret
Përgjigju