Të rinjtë shqiptarë po përballen me steriotipe, ku hera-herës cilësohen si indiferentë, të varur nga teknologjia apo të dorëzuar në pesimizëm. Report TV do t’ju njohë me disa të rinj, që janë krejt e kundërta e këtij përshkrimi.
Të gjithë i kemi takuar në Këshillin e Evropës, në Strasburg. Aty ku u mbajt Forumi Botëror për Demokraci, dhe shqiptarët përfaqësuan jo vetëm Shqipërinë e Kosovën, por edhe Maqedoninë dhe Malin e Zi.
Ana është një gjimnaziste nga Devolli ia ka dalë të vijë në këtë forum falë përfshirjes së saj në një projekt ku drejton Parlamentin e Nxënësve në nivel kombëtar.
Geart Ferhati ka sjellë si shembull suksesi në Strasburg një sistem online i cili ndihmon gjimnazistët të votojnë qeveritë e tyre. Klajdi Priska prezantoi iniciativën e tij për debate rinore RinON.
Kjo është Ardita Vejseli, e cila sjell një histori suksesi në emër të Maqedonisë së Veriut. Pavarësisht se nga vijnë e ku jetojnë, në Tiranë, në Devoll apo në Shkup, këshilla e këtyre aktivistëve për bashkëmoshatarët, është e njëjtë:
Por a ndihen këta të rinj të angazhuar nga politikanët që marrin vendime për ta?
Forumi për Demokraci është platformë e përvitshme në nivel botëror zhvilluar nga Këshilli i Evropës, ku njëherësh diplomohen edhe studentët e të gjitha vendeve që ndjekin Shkollën e Studimeve Politike.
