Deputeti socialist Pjerin Ndreu i ka kthyer përgjigje deputetes demokrate, Grida Duma, pas deklarimit të kësaj të fundit se shkrimet nëpër portale i kanë shkaktuar kosto mendore.
Në një reagim në Facebook, Ndreu shkruan se problemi kryesor i politikës shqiptare është se sa herë që portalet shkruajnë për njerëzit e tjerë, duke sjellë tek publiku shpifje, politika s’reagon.
“Nje gje me habit, kur akuzojne pa fakte e me fantazi te shfrenuar te tjeret, ca politikaneve s’ju ben pershtypje, kur gjenden vete ne rolin e te akuzuarve, dalin ne media e bejne rolin e viktimes !”-shkruan Ndreu.
Reagimi i plotë:
Shoh se qahemi nga baltosja e portaleve. Vecanarisht ne politikanet ! Po, e vertete, portalet jane bere fole per lloj lloj maskarai qe shkruan artikuj, ben komente anonime, apo vjell gjithe vrerin, te njeh apo ste njeh ! Mirepo duhet pranu se jemi ne, politika vete qe kemi prodhu kete maskarade !
Ate qe prodhojne akuzat politike hapur diten per diell, nuk jane asgje me ato qe shkruhen ne portale ! Pra ne njefare menyre portalet jane refleksion i kesaj politike dhe shoqerie qe ka probleme serioze. Nje gje me habit, kur akuzojne pa fakte e me fantazi te shfrenuar te tjeret, ca politikaneve s’ju ben pershtypje, kur gjenden vete ne rolin e te akuzuarve, dalin ne media e bejne rolin e viktimes !
Mbajeni gojen vete pikesepari, mos e leshoni pa fre ndaj kujdo qe s’ju shkon per shtat, pastaj shqetesohuni aq shume se jeni ndjere te fyer nga akuzat e dikujt !
Pjerin Ndreu, deputet i PS-së.