Dy banesa u përfshinë nga flakët një natë më parë në lagjen në lagjen “Ahmet Haxhija”, Shkodër. Ngjarja shkaktoi panik te banorët e zonës.
Shërbimi zjarrfikës bën të mundur neutralizimin e zjarrit, teksa në zonë u ndërpre edhe energjia elektrike, për të shmangur ndonjë rrezik të mundshëm.
Fatmirësisht nuk raportohet për persona të lënduar.
Paraprakisht dyshohet se shkak i rënies së zjarrit ka qenë një shkëndije elektrike.
"Mbrëmjen e djeshme, në lagjen “Ahmet Haxhija”, dyshohet se për shkak të një shkëndije elektrike, ka rënë zjarr dhe janë djegur plotësisht banesat e shtetasve B. K., 80 vjeç dhe S. K., 74 vjeç, dhe janë djegur pjesërisht banesat e shtetasve F. K., 68 vjeç, dhe Sh. Z., 75 vjeçe. Nga zjarri nuk ka patur shtetas të dëmtuar", njoftoi sot policia.
Policia dhe grupet hetimore po punojnë për zbardhjen e plotë të rrethanave.
Komente
