Pas barazimit me Kroacinë të Kombëtares shqiptare e vlefshme për Grupin B në Euro 2024, ka reaguar edhe kryeministri Edi Rama. Kreu i qeverisë shqiptare thotë se në fushë ishte një Shqipëri e re, e përkushtuar me mish e me shpirt ndaj flamurit kuqezi. Kryeministri Rama motivon futbollistët e kombëtares, për të bërë më të mirën deri në fund.
‘Kjo quhet krenari!
Përballë një skuadre shumë më të fortë në letër dhe me shumë më shumë eksperiencë në këto nivele ishte një Shqipëri e re, e përkushtuar me mish e me shpirt ndaj flamurit kuqezi, e cila të mbush me krenari, me dashuri, me respekt e me optimizëm për rrugën përpara, përtej këtij Europiani, falë djemve të jashtëzakonshëm dhe publikut të saj po aq të jashtëzakonshëm.
Kokën lart dhe kështu përpara, me pasion, shpirt skuadre, përpjekje deri në fund për të bërë më të mirën.’- shkruan Rama.
Lajmi kryesor:
Euro 2024/ Dramë dhe emocione deri në limite, Kombëtarja barazon 2-2 kundër Kroacisë! Laçi dhe Gjasula mbajnë gjallë shpresat e kalimit të grupit
M.Q./ReportTv.al
