Barcelona ka bërë detyrën dhe ka mposhtur 1-4 Sevillan për raundin e 23-të në La Liga. Ky rezultat bën që katalanasit të afrohen me kreun dhe të jenë në garë për vendin e parë, kjo duke përfituar nga barazimi 1-1 mes Real Madrid dhe Atletico Madrid.
Në "Ramón Sánchez Pizjuán" pjesa e parë ishte "zjarr" në vetëm pak sekonda. Lewandowski në minutën e shtatë kaloi Barçën në epërsi, ndërsa një minutë më vonë Vargas barazoi për 1-1.
Në fraksionin e dytë Barça e nisi ndeshjen me gol, pasi në minutën e 46-të Fermin Lopez shënoi golin e dytë pak sekonda pasi u fut në fushë, për t'i lënë vendin Raphinhas në minutën e 55-të me golin e tretë.
E 60-ta minutë solli kartonin e kuq për Fermin Lopez, me Barçën që e mbylli ndeshjen me dhjetë lojtarë, por që nuk rrezikoi të pësonte. Në fundin e sfidës Eric Gracia shënoi edhe golin e katërt.
Tanimë me 48 pikë Barcelona mban vendin e tretë, dy më pak se Real Madridi kryesues dhe një më pak se Atletico Madrid i vendit të dytë.
Komente
