Hansi Flick do të vazhdojë të udhëheqë Barcelonën edhe për sezonet e ardhshme. Klubi katalanas ka zyrtarizuar rinovimin e kontratës me trajnerin gjerman deri në vitin 2027.
Edhe pse marrëveshja ishte arritur prej disa ditësh, njoftimi zyrtar u publikua të mërkurën nga klubi. Flick kishte kontratë deri në vitin 2026, teksa ka pranuar zgjatjen me një vit tjetër, si shenjë besimi nga drejtuesit.
Nën drejtimin e 60-vjeçarit Barcelona pati një sezon të shkëlqyer duke fituar titullin në La Liga, Kupën e Mbretit dhe Superkupën e Spanjës, ndërsa u ndal në gjysmëfinalet e Ligës së Kampionëve.
Klubi beson se nën drejtimin e Flick skuadra mund të arrijë edhe më shumë suksese në të ardhmen, duke i dhënë projektit sportiv vazhdimësi dhe stabilitet.
Komento
Komente
