Drejtuesi politik i Koalicionit Euroatlantik, Lulzim Basha, i shoqëruar nga kandidatet për deputetë Taulanda Jupi dhe Diana Toma, zhvilloi një takim me të rinjë, ndërsa bëri edhe një komunikim të drejtpërdrejtë me qytetarët në facebook.
Gjatë bashkëbisedimit me komentuesit, Basha iu përgjigj edhe kryeministrit Edi Rama duke i thënë se edhe pse bën montazhe për të replikuar me të, ende nuk i kthen përgjigje qytetarëve pse nuk përmend më kthimin e amerikanëve në SPAK.
Pjesë nga bashkëbisedimi i Lulzim Bashës me qytetarët:
Basha: Mirëmëngjes të dashur miq. Ju përshëndes nga kafja e mëngjesit këtu nga sheshi Willson në zemër të Tiranës, në zemër te trafikut të mëngjesit të Tiranës, në një kafe me miq të nderuar, Taulanda Jupi, kandidaten tonë për deputete. Me doktoresh Diana Tomën, kandidaten tonë tjetër, me studentë. Në fakt kishim lënë një kafe për të diskutuar për fushatën, për problemet e rinisë, por pse jo edhe një komunikim të drejtpërdrejtë me ju për gjithçka që shkruani, e pyesni qoftë në inbox të facebook, apo një pjesë prej jush të instagramit. Shumë të rinj te instagrami, por të komunikuar dhe live sepse normalisht leximet dhe përgjigjja e mesazheve është një gjë, ndryshe është të komunikojmë live. Kështu që drejtpërdrejtë ju përshëndes dhe çfarëdo pyetjes apo diskutimesh mund të keni, mund ta nisim direkt.
-Ore ti e ke në terezi.
Basha: Jo nuk e kam fare në terezi, as unë as njerëzit. Po ta kisha në terezi nuk futeshim në këtë betejë. Nuk e ka shumica as shumica e shqiptarëve. Për terezi e kishin vetëm disa...gjysma kanë shkuar te vendi, gjysma kërcejnë në rubrikën “hu më hu”...e ndjek atë rubrikën “hu më hu”, më duket është live ai që bën atë rubrikën çdo mëngjes.
-Ti je bashkë me Ramën në marrëveshje.
Basha: Po, po unë jam bashkë me Ramën në marrëveshje, prandaj bashkova votat me Ramën. Prandaj mbylla listat. Më ke ngatërruar me shokun Sali. Ai bashkoi votat me Ramën. Unë kam qenë dhe jam përbalë tij dhe falë inicitivave ligjore që kam marrë ia kam paketuar shumë shokë. Ka dalë te ajo rubrika “hu më hu” në mëngjes dhe po thotë lloj-lloj gjërash vetëm nuk jep përgjigje për një pyetje që ma bëjnë dhe mua qytetarët. Amerika është kthyer fuqishëm në SPAK. E pyeta “Pse mo Ramë s’i kthen përgjigje njerëzve, ti the u tërhoqën, ata janë në SPAK.” Kaq shumë është mërzitur, seç ka bërë një montazh dje për të më kthyer përgjigje po punën e SPAK se përmend fare. Si e mendoni ju është lajm i mirë apo i keq që Amerika u kthye në SPAK.
Të ka ikur truri, bëj ndonjë vizitë.
Basha: Truri ju ka ikur ju që vazhdoni dhe votoni Ramën. Shikoni programin tonë dhe kandidatët tanë dhe më 11 maj mos i thoni trurit mirupafshim, vendoseni në punë dhe votoni koalicionin euroatlantik.
Komente
