E ndërsa kryetari i PD, Lulzim Basha nga Durrësi sot bëri thirrje që banorët e Kukësit të ngrihen për të bllokuar vendosjen e tarifës për rrugën e Kombit ditën e hënë, kryetari i Këshillit bashkiak të Kukësit Gjelbërim Shehu në një deklaratë për mediat shprehet se çështja është zgjidhur përfundimisht. Ai thotë se pas diskutimit me qeverinë dhe koncesionarin u vendos tarifa 100 lekë për banorët e Kukësit, e cila sipas tij është e pranueshme dhe e përballueshme. Bashkia e Kukësit drejtohet nga Bashkim Shehu i zgjedhur nga PD.
Në cilësinë e kryetarit të këshillit bashkiak të Kukësit, njoftoj se mbledhja e planifikuar për sot nuk u zhvillua për mungesë të kuorumit. Sqaroj se pika e fundit që kishte të bënte me analizën për tarifën në Rrugën e Kombit quhet e mbyllur. Pas reflektimit nga qeveria dhe koncesionari, tarifa 100 lekë për kuksianët është e pranueshme dhe përballueshme nga të gjithë. Erdhëm në këtë zgjidhje pas negociatave me qeverinë koncesionarin dhe grupet e interesit.
Gjelbërim Shehu
TARIFAT NE RRUGEN E KOMBIT NGA DATA 17 SHTATOR
Tarifa për kalimin e automjeteve 5 Euro
Për banorët e Kukësit tarifa është 100 lekë me TVSH deri në 44 kalime në muaj
Tarifat sipas mjeteve
Motoçikletat dhe automjetet me tre rrota 330 lekë
Banorët e Kukësit 50 lekë
Automjetet komerciale me dy akse, 6 rrota-1490 lekë
Kamionë të mesëm dhe autobusë të rëndë 2140 lekë
Kamionë të rëndë me 4 akse dhe më shumë 2970 lekë
Zbritjet
Nga 20-30 kalime në muaj zbritje 10%
Nga 30-50 kalime në muaj zbritje 20%
Nga 50-60 kalime në muaj zbritje 30%
Mbi 60 kalime në muaj 40%
Invalidët e punës dhe shtresat në nevojë deri 0 lekë
Komente
