Kryetari i Partisë Demokratike Lulzim Basha po zhvillon një bashkëbisedim në Patos me gra që i kanë fëmijët në emigracion. Basha tha se emigrimi është plaga më e madhe që ka sot shoqëria shqiptare. Arsyeja kryesore sipas tij, është paaftësia e qeverisë në krijimin e vendeve të reja të punës dhe korrupsioni i lartë. Basha u zotua se qeveria e ardhshme ka një plan për të ndalur këtë katastrofë kombëtare me anë të thithjes të investimeve të huaja dhe trajnimin e të rinjve në fushën e programimit.
‘Për mua emigracioni është plaga më e madhe që ka sot Shqipëria. Problemi qëndron se në vitet e fundit emigracioni është kthyer në një katastrofë kombëtare. Po ndodh një zbrazje e Shqipërisë. Rinia kërkon shanse për arsimin dhe më pas ka lehtësuar për jetën e tyre. Ka vetëm një rrugë për të ndryshuar, largimi i kësaj qeveria. Na duhet një qeveri e përgjegjshme që ua ndjen në shpirti vuajtjen e përditshme të mungesës që shkakton fëmija. Paratë e shqiptarëve do të vihet në funksion të shqiptarëve. Para se të më shikoni si kryeministrin e ardhshëm më shikoni si bir nënë, më shikoni bashkëshort, si qytetar tuaj. Ua njoh hallet tuaja. Edhe unë dhe im vëlla kemi qenë emigrantë, ua njohim hallet. Nuk të bëhet asgjë si vendi yt, unë kam qenë vet ’- tha Basha.
Lajmi kryesor:
Basha në Fier: Era e ndryshimit po vjen, të respektojmë masat! E reja: Më mirë të mblidhemi këtu të vdesim nga virusi
M.Q.//ReportTv.al