Pas takimit të dy figurave të njohura të PD-së, Besnik Mustafaj dhe Genc Ruli me ish-kryeministrin Sali Berisha dhe kreun e PD, Lulzim Basha në seli, të menjëherëshme kanë qënë interpretimet për mundësitë e tyre për t’u rikthyer në jetën aktive politike të PD-së.
Mbi takimin e tyre, me anë të një statusi në Facebook ka reaguar edhe Edvin Kulluri, i cili u shpreh se çështja e bashkimit të PD-së nuk është çështje pazaresh personale, por çështje parimesh që mbështeten tek propozimi për të nxjerrë vendin nga kriza.
E vetmja mënyrë për t’ua ofruar shqiptarëve këtë alternativë është një PD e bazuar mbi statut. Lulzim Basha mund të takohet dhe të bëjë llogje e të ndajë karrige pushteti me këdo, por krizën e PD që e ka shkaktuar vetë nuk e zhbën dot kështu. Ndaj, suksese në jetë!
Edvin Kulluri, ish-këshilltar
Ndërsa vetë Mustafaj dhe Ruli pas takimit u shprehën se biseduan për të gjitha gjërat që mund të bisedohen në një takim informal.
Komente
