Foto: Bashar al-Assad dhe Vladimir Putin
Zëdhënësi i Kremlinit, Dmitry Peskov, konfirmoi se vendimi për t’i ofruar azil Assadit është marrë personalisht nga presidenti Vladimir Putin.
Peskov nuk dha detaje për vendndodhjen e presidentit sirian dhe as për takimin e fundit mes Putinit dhe Assadit.
Peskov po ashtu nënvizoi se Rusia është e gatshme të mbajë kontakte me “ata që do të jenë në pushtet në Siri” në të ardhmen.
Rusia ka mbështetur Assadin për më shumë se një dekadë, duke i dhënë mbështetje ushtarake dhe diplomatike gjatë luftës civile siriane, që ka zgjatur më shumë se 13 vjet.
Kjo mbështetje ka pasur një rol të rëndësishëm në qëndrimin e tij në pushtet, pavarësisht presionit ndërkombëtar dhe sulmeve të vazhdueshme nga forcat rebele dhe grupet e ndryshme të armatosura.
Lajmi kryesor:
Rënia e Assadit/ Al Jolani zgjedh kryeministrin e ri për qeverinë tranzitore, besnik i tij! Lirohen të burgosurit e regjimit
Xh.K/ReportTv.al
