Shkresa dërguar Komisionit Qëndror të Zgjedhjeve për lirimin e ambienteve ku janë vendosur KZAZ dhe heqjen e listave të zgjedhësve është bërë në zbatim të dekretit të presidentit për anullimin e zgjedhjeve vendore. Kështu është shprehur kryebashkiaku i Lezhës Fran Frrokaj.
"Unë nuk kam kërkuar lirimin e amabienteve por kam bërë një shkresë kur kërkoj zbatimin e dekretit të presidentit. Unë besoj se presidenti është në majë të shtetit. Unë do bëj çmos që dekreti i presidentit të zbatohet. Do kërkoj që ligjshmëria. Deklaratat e KQZ janë mbase pak pasionante të cilave do i përgjigjemi shkresësisht", u shpreh Frrokaj.
Ditën e djeshme bashkitë e drejtuara nga PD dhe LSI mes tyre edhe Bashkia e Lezhës i dërguan një letër Komisionit Qendror të Zgjedhjeve ku kërkojnë që të lirohen hapësirat që janë përcaktuar për vendosjen e KZAZ-ve për zgjedhjet lokale, pas dekretit të Presidentit Meta për të anuluar 30 Qershorin.
Në një reagim, zëdhënësja e KQZ-së Drilona Hoxhaj, tha ditën e djeshme se këto janë veprime në shkeljë të Kodit Zgjedhor. Hoxhaj tha se KQZ vijon procesin për zgjedhjet dhe se është Kuvendi i Shqipërisë, që përmes rezolutës mbi aktin e Presidentit Meta i ka kërkuar Komisionit Qendror të Zgjedhjeve që të garantojë mbarëvajtjen dhe organizimin e zgjedhjeve vendore të datës 30 qershor 2019.
Komente
BRAVO Z FRAN SHUME SHPEJT PRESIDENTI DO DEKRETOJE POLICINE PRESIDENCIALE
Përgjigju