Krahas punës për përmirësimin e infrastrukturës në Njësinë Nr.10, Bashkia e Tiranës ka nisur punimet për Minikëndin e Lojërave te Rr. ''Vangjush Furxhi'', pas ish-ekspozitës ''Shqipëria Sot''.
Deri dje e mbuluar nga shkurret dhe e zaptuar me gardhe, kjo hapësirë ka nisur tashmë të lirohet duke u bërë gati që të mikpresë jo vetëm fëmijët, por edhe gjithë komunitetin përreth, njofton bashkia e Tiranës.
Këndi do të pajiset me module të ndryshme lojërash për fëmijët, stola dhe kosha të rinj si dhe do të bëhet i gjithë gjelbërimi për t'i dhënë një pamje komplet të ndryshuar kësaj hapësire mes pallateve te Nj. Adm. Nr. 10!
Një nga nismat e para të ndërmarra tre vjet më parë nga administrata e re e Bashkisë ka qenë rikthimi i hapësirave çlodhëse dhe të argëtimit në çdo lagje të Tiranës.
Komente
1 bravo te madhe per ty lali ne cdo bllok pallatesh po ben nga 1 keng lojtash .
PërgjigjuTe behet unaza se zhvillohet qyteti . 10 familje sdo mbajn peng qytetin .
Përgjigju