Bashkia e Kukësit për t'u ardhur në ndihmë bizneseve pritet ti propozojë Këshillit Bashkiak faljen e taksave vendore për 5 muaj për hapësirën publike dhe shtyrjen e disa taksave për biznesin e vogël. Propozimi është bërë nga kreu i bashkisë së Kukësit dhe pret miratimin e Këshillit Bashkiak.
Sipas kryetarit të Bashkisë Kukës, Safet Gjiçi taksa vendore për hapësirat publike të paguhet vetëm për 7 muaj në territorin e Kukësit.
Gjiçi tha se Bashkia do t’i propozojë Këshillit Bashkiak shtyrjen e të gjithë taksave të tjera vendore deri në 20 qershor dhe nuk do të ketë penalitete me qëllim lehtësimin e biznesit të vogël në këtë situatë emergjente.
Pritet që Këshilli Bashkiak Kukës në mbledhjen e afërt të miratojmë këto ndryshime dhe propozime të Bashkisë Kukës të nevojshme në ndihmë të biznesit.
