SARANDË: Ditën e sotme ka nisur procesi i dezinsektimit të qytetit të Sarandës. Kryeatri i Bashkisë së Sarandës, Adrian Gurma ka informuar se do të dezinsektohet një pjesë të madhe të hapesirave të gjelbërta të qytetit dhe pusetat e ujërave të zeza me qëllim mbrojtjen e shëndetit të qytetarëve dhe pushuesve.Saranda është një nga destinacionet më të pëlqyera turistike gjatë sezonit të verës. "Të krijojmë mundesinë për pushime sa më relaksuese për vizitorët e qytetit ,të cilët ndihen të bezdisur nga infeksionet, insektet, plehrat dhe papastërtitë",tha kryetari i Bashkisë Sarandë.
Postimi i kryetarit të Bashkisë Sarandë:
“Nisëm sot në orët e para të mëngjesit proçesin e dezinsektimit në një pjesë të madhe të hapesirave të gjelbërta të Sarandës si dhe në pusetat e ujërave të zeza me qëllim mbrojtjen e shëndetit të qytetarëve dhe pushuesve
Sot vendosim etalonin e nje bashkie që punon 24/7, ku me një përpjekje konkrete dhe invest modest mund të përmirësohet ndjeshëm jeta e qytetarëve të Bashkise së Sarandës, dhe njëkohësisht të krijojmë mundesinë për pushime sa më relaksuese për vizitorët e qytetit ,të cilët ndihen të bezdisur nga infeksionet, insektet, plehrat dhe papastërtitë.
Turizmi është dhe do jetë aseti ynë kryesor, ndaj dhe ne do të vemë gjithçka në funksion të tij, duke filluar nga bashkia më vizionin dhe përkushtimin e saj, deri tek çdo qytetar qoftë sipërmarrës apo banor i thjeshtë.
Komente
