GJIROKASTËR-Rindërtohet kisha ortodokse e Shën Nikollës në fshatin Nokovë të Lunxherisë të Gjirokastrës, e cila ishte drejt rrënimit total.
Iniciativa u ndërmor nga të rinjtë e këtij fshati kryesisht në emigracion. Inaugurimi i kishës së Shën Nikollës u bë nën ritmin e këngës dhe valleve, ditë e cila përkon edhe me festën e Shën Mërisë. Vaso Pilos e Petraq Ruti, dy prej organizatorëve të mbledhjes së fondeve për ringritjen e këtij objekti kulti shprehen se kjo iniciativë e veçantë i ka bashkuar më tepër banorët e fshatit Nokovë e sidomos të rinjtë.
"Dëshira, vullneti e pasioni i fshatarëve ishte i madh. Kisha është bërë në kohë rekord. Ku ka vullnet e dëshirë del diçka e bukur", tha Pilo.
"Ndërtimi i kishës nga i gjithë fshati është diçka që të bashkon dhe të lumturon. Fshati nuk është vetëm kisha, por është edhe rini", u shpreh Ruti.
Kisha ortodokse me një moshë gati 300-vjeçare ka ndryshuar tërësisht pamje nga brenda dhe jashtë pasi janë vizatuar afreske me ngjyra dhe janë ruajtur ato të vjetrat.
Komente
