FIER - Si asnjëherë më parë Pallati i Sportit në Fier ka përjetuar ndeshje plot adrenalinë në basketboll për meshkuj. Ekipi fierak triumfoi ndaj ekipit të Tiranës duke i mundur me rezultatin e ngushtë 104-103 pas dy kohëve shtesë dhe duke siguruar një vend në playoff.
Ndeshja ishte e fortë dhe plot emocione për mbështetësit fierakë të cilët ishin të shumtë në numër. Me këtë fitore ekipi fierak i Apolonisë pret biletën për gjysëmfinalen e Superligës ku do të ndeshet me ekipin e Teutës.
Në parket, Apolonia e drejtuar nga Aldi Germau nuk e nisi mirë çerekun e parë dhe u mposht 19-23 nga kryeqytetasit. Më pas fierakët fituan çerekun e dytë 22-16, por miqtë siguruan avantazhin pas periodës së tretë të fituar 22-27. Vendasit treguan cilësi dhe fituan çerekun e katërt 21-18 për ta dërguar ndeshjen në shtesë pas rezultatit final 84-84.
Shtesa foli për vendasit që me mbështetjen e tifozëve fituan me një pikë më shumë 20-19 dhe marrin biletën për më tej. Ndërkohë Tirana e Erkand Karaj e sheh veten në playout.
Statistikat e ndeshjes
Komente
