Tirana në basketboll për femra është kampione e Shqipërisë për këtë sezon në kampionat. Ky është titulli numër 41 në histori për vajzat bardheblu, me trofeun që mungonte prej 25 vitesh. Në "Feti Borova" të kryeqytetit, Tirana fitoi 71-51 kundër Flamurtarit në finalen e katërt mes tyre, duke e dërguar serinë në 3-1 dhe merituar titullin kampion.
Vajzat e Mirza Alibegaj e nisën mirë takimin, duke mbyllur çerekun e parë 18-8. Në të dytin, Flamurtari fitoi 12-16, ndërkohë që Tirana e mbylli me katër pikë epërsi pjesën e parë.
Në çerekun e tretë Tirana dominoi dhe fitoi me dhjetë pikë epërsi, 22-12. Në periodën e katërt sërish vajzat bardheblu fituan 19-15 për rezultatin final 71-51. Kështu, me 20 pikë diferencë dhe serinë e finaleve 3-1 në ndeshjen e parafundit, Tirana e basketbollit për vajza ngre trofeun e 41-të në kampionat, Kupë e cila mungonte prej 25 vitesh për vajzat bardheblu.
