Inteligjenca ukrainase ka njoftuar se dronët kamikazë ukrainas sulmuan aeroportin ushtarak rus të Savasleyka, në lindje të Moskës në rajonin e Nizhny Novgorod ditën e sotme.
Sipas La Repubblica, një avion Mig-31 dhe dy avionë Il-76 u shkatërruan dhe pesë të tjerë u dëmtuan.
Ndërkohë, në Rusi disa shërbime online, duke përfshirë shërbimet e mesazheve WhatsApp dhe Telegram, pësuan bllokime të përkohshme ditën e sotme për shkak të një sulmi nga hakerat, sipas Roskomnadzor, agjencia shtetërore e kontrollit të telekomunikacionit.
Bllokimi ndodhi në orën 14:00 me orën e Moskës (13:00 me orën italiane), por u tha se sulmi "u zmbraps" dhe një orë më vonë shërbimet u kthyen në normalitet.
Përveç Whatsapp dhe Telegram, hakerat prekën edhe shërbimet e disa bankave, operatorëve celularë, rrjetit social rus VKontakte dhe gjigantit rus të shërbimeve online Yandex.
