Baza e armatimit e zbuluar një ditë më parë në Durrës shërbente për të furnizuar grupet kriminale.
Report TV siguron fotot e "marketingit" dy të rinjve, Hekuran Troplini dhe Emiliano Pasha, 19 dhe 20 vjeç duke mbajtur kallashnikovë të cilët i reklamonin në rrjetet sociale. Sikurse shihet të rinjtë nuk armët me duar të pa doreze, të pa mbuluar me qese apo mbulesa për të mos lënë shenjat e gishtërinjve.
Të njëjtin kujdes tregonin edhe gjatë momentit kur çonin armën e porositur tek personi i interesuar. Armës i hiqnin shulin dhe fshihnin në pjesë të vjetra makinash më mënyrë që edhe nëse do të kapeshin nga policia ekspertiza të mos e nxirrte armën e rregullt e në këtë mënyrë të mos arrestoheshin për armëmbajtje. Pjesa e hequr e armës i dërgohej në një moment tjetër personit që kishte blerë armën.
Dy të rinjtë u arrestuan një ditë më parë gjatë një afere për shitjen e 4 kallashnikovëve përmes një shitje të stimuluar. Sipas policisë ata shfrytëzonin zonat periferike për të shitur armatime dhe municione sikurse ndodhi edhe ditën që u kapën në flagrancë nga policia e Durrësit.
Brenda në bazën e zbuluar një ditë më parë u gjetën dhe u sekuestruan 4 kallashnikovë me 20 krehra, qindra fishekë luftarak, 1 motomjet që shërbente për të lëvizur dhe transportuar armët e municionin, me qëllim shitjen, 63 700 lekë dhe një sasi lënde narkotike e dyshuar cannabis sativa. Policia dyshon se në këtë grup ka dhe persona të tjerë prandaj po bëhet një hetim më i thelluar. Ndërkohë që armët janë dërguar në laboratorin qendror për të parë nëse janë përdorur në vepra kriminale apo jo.
Komente
Paskan ik per shele keta leperat
PërgjigjuCke ti se sikin per kollaj