“Gjyshet që shpëtuan kuzhinën shqiptare.” Ky është kryetitulli i artikullit kryesor për Shqipërinë nga rrjeti britanik BBC ku në fokus janë gatimet tradicionale shqiptare që janë trashëguar brez pas brezi nga gjyshet dhe amvisat e vendit tonë.
Gazetari i BBC, Tristan Rutherforf shkruan se pasi vendi ynë u izolua nga bota e jashtme për dekada dhe përjetoi një eksod masiv pas komunizmit, Shqipëria po shkon në rrënjët e saj të kuzhinës me ndihmën e gjysheve kuzhiniere.
Në shkrim përshkruhen në mënyrë të detajuar disa nga gatimet më të njohura shqiptare që na identifikojnë, siç është japraku, flija apo lloji i djathit mishavinë. Por ajo që mbetet unike është se përgatitja e këtyre recetave të veçanta është përcjellë ndër breza nga veriu në jug të vendit.
Në shkrimin e fundit dedikuar kulinarisë shqiptare, rrjeti britanik BBC nënvizon se shumë receta shqiptare kanë edhe rrënjë fetare duke u fokusuar më së shumti tek ëmbëlsirat.
Por theksoi se pavarësisht se në periudhën e komunizmit nën udhëheqjen e diktatorit Enver Hoxha u ndaluan praktikat fetare, ky represion i egër nuk mundi të ndalojë recetat të trashëgohen duke u përdorur edhe në ditët e sotme masivisht.
Duke iu referuar gatimeve tradicionale të vjetra nga duart e gjysheve, BBC shkruan se vitet e fundit ato frymëzuan edhe shumë sipërmarrës të investonin në sektorin e agroturizmit. Sektor ky që me mbështetjen edhe të fondeve qeveritare po zhvillohet gjithnjë e më shumë dhe po preferohet edhe nga turistët për shkak të ushqimeve dhe gatimeve unike.
Komente
Shkrim i mire por me kujtoj Dhermiun posht detit.deti fantastik por ne asnje resorant nuk kishte gatime tradicionale shqiptare.vetem karkaleca dhe guzhin italiane,shyqur qe gjetem patate furre dhe sallat fshati.kjo gje nuk me beri pershtypje vetem mua por edhe turisteve austriak qe ngelen te pakenaqur,se nuk gjeten zshqime vendase.turistet nuk duan vetem detin por dhe ushqime.dhe te mos harrojm guzhina shqiptare esht me e mira ne bot.
Përgjigju