Komisioni Qendror i Zgjedhjeve ka miratuar rezultatin e votimeve në qarkun e Vlorës, në një mbledhje e cila është zhvilluar qetësisht pa debate. Me katër vota "pro" dhe një "kundër", atë të kryetarit Klement Zguri u miratuan rezultatet e 30 qershorit në Vlorë për kryetarin e Bashkisë dhe Këshillin Bashkiak.
Ndërkohë, u hodh edhe shorti edhe për shqyrtimin e kërkesës ankimore të partisë "Bindja Demokratike" me numër 45, ku relator u përzgjodh anëtari Bledar Skenderi.
Lidhur me këto ankimime, ku 41 të parat, KQZ vendosi t'i kthejë mbrapsht, ka pasur një koment nga ana e Bibës, i cili i drejtoi një pyetje sekretarit ligjor.
"Një pyetje kam, shumë seriozisht...nëse do kishit fituar do i ankimonit zgjedhjet", tha Biba, pyetje e cila nuk mori një përgjigje konkrete, duke qenë se nuk kishte asnjë përfaqësues nga partia e Patozit.
Mbledhja e radhës e KQZ ku do të vendoset për kërkesën e BD do të zhvillohet nesër në orën 10:00. Deri më tani, përveç Vlorës, 7 bashki kanë marrë "OK" nga KQZ, ku është dhënë miratimi për kryetarin e Bashkisë dhe Këshillat Bashkiak në Kamëz, Korçë, Elbasan, Lushnje, Durrës, Fier dhe Lezhë.
Komente
