Në një takim përballë Presidentit kinez Xi Jinping në Sallën e Madhe të Popullit së bashku me Presidentin e Këshillit Evropian Antonio Costa, Presidentja e Komisionit Evrpian Ursula von der Leyen, quajti "thelbësore" ribalancimin e "marrëdhënieve dypalëshe KInë-BE", të cilat ajo i sheh si ndër "më të rëndësishmet në botë" dhe të cilat kanë arritur në një "pikë kthese".
Në vizitën e saj të tretë si presidente e Komisionit Evropian në Kinë, Von Der Leyen përmendi temën thelbësore të ndryshimeve klimatike dhe mbrojtjes së mjedisit për të cilët shprehu angazhimin për të punuar së bashku për marrëveshjen e Parisit dhe COP30. Von Der Leyen kërkoi ngritjen e marrëdhënieve dypalëshe në një nivel tjetër.
Presidenti Xi Jinping, tha se udhëheqësit e të dy palëve duhet të tregojnë largpamësinë dhe përgjegjësinë e tyre dhe të forcojnë besimin e ndërsjellë, ndërsa distancoi Kinën nga problemet evropiane.
Xi, sipas agjencisë shtetërore të lajmeve Xinhua, shtoi se shpresonte që "BE-ja të mbajë tregjet e ti të hapura për tregti dhe investime dhe të përmbahet nga përdorimi i "instrumenteve kufizuese ekonomike dhe tregtare. Presidenti I Këshillit Evropian, Antonio Costa, i kërkoi Kinës të "përdorë ndikimin e saj" mbi Rusinë për të ndihmuar në përfundimin e luftës në Ukrainë.
Bashkimi Evropian mbetet i përkushtuar për të përparuar në ccështjet tregtare tha Costa ndërsa në takim u evidentua se shkëmbimet tregtare BE-KINE arrijnë shifrën 2 mld euro në ditë.
Komente
