Komisioni Evropian ka miratuar një paketë prej 103.3 milion euro në mbështetje të Shqipërisë në rrugën drejt integrimit europian dhe rimëkëmbjes ekonomike. Programi i miratuar përqëndrohet në çështjet thelbësore për pranimin në BE të tilla si sundimi i ligjit, të drejtat themelore dhe qeverisja e mirë.
Për më tepër, ofrohet ndihmë për të adresuar më tej pasojat e krizës së koronavirusit. Përmes një postimi në Twitter, ambasadori i BE-së, Luigi Soreca shkruan se kjo ndihmë ka për qëllim që të mbështesë Shqipërinë në plotësimin e reformave që kanë ndërmarrë si dhe për të hapur rrugën drejt integrimit europian.
Gjithashtu, Soreca shkruan se ky fond i miratuar për vendin tonë ka për qëllim të ndihmojë për të amortizuar sadopak ndikimin e koronavirusit në vend.
Programi përfshin veprime për të forcuar sundimin e ligjit dhe luftën kundër krimit të organizuar dhe korrupsionit, duke përmirësuar kapacitetin e SPAK, Byrosë Kombëtare të Hetimit dhe institucioneve të pavarura të drejtësisë.
Financimet janë dhënë gjithashtu për zhvillimin e një tregu dinamik të tokës në Shqipëri, përmes krijimit të një kornize të qartë të të drejtave të pronës. Paketa gjithashtu vazhdon të mbështesë përmirësimin e kapacitetit të sektorit publik për t'iu përgjigjur nevojave të qytetarëve dhe bizneseve. Programi do të funksionojë si në nivelin kombëtar ashtu edhe në atë lokal.
Së fundmi, paketa aktuale plotëson masat e tjera të lidhura me COVID-19 të vendosura për Shqipërinë nga BE, duke zgjeruar mbështetjen për bizneset dhe ekonominë e përgjithshme.
Pas shpërthimit të COVID-19, fondet ekzistuese të BE-së u riorientuan me objektivin e dyfishtë për të ndihmuar Shqipërinë të sigurojë pajisje shëndetësore dhe për të adresuar pasojat sociale dhe ekonomike të krizës. Paketa COVID-19 për Shqipërinë arrin në 50.65 milion €. Programi 103.3 milion € IPA 2020 kontribuon në paketën COVID-19 me 26 milion € BE për veprimin e Rimëkëmbjes Ekonomike. Përveç kësaj, paketa COVID-19 përfshin
4 milion € për të adresuar nevojat e menjëhershme për pajisje mjekësore. Financimi vjen nga programi IPA 2017. 20.65 milion € për të plotësuar një Program ekzistues 50 milion EUR të Përfshirjes Sociale nën IPA 2019. Ky program përfshin një alokim shtesë prej 28 milion €, dhënë për të shpërblyer përparimin e Shqipërisë në zbatimin e reformave.
Komente
103 milion jep eu dhe ne gezohemi te gjith si popull se shpetuam,36 milion € kerkon velia per teatrin ne as e cajme koken fare. Plus qe arka e shtetit eshte bosh dhe qeveria keto dy tre dite ju ka turrur bisneseve per ti bllokuar llogarite per tvsh ne nje kohe qe tvsh rakordohet nga marsi ne gusht,me shtet hajdut se ky i joni nuk paska patur ne bote,prandaj bejne naze dhe se duan europen pasi duan te vjedhin edhe pas vdekjes.
Përgjigjuishall bien ma shum
PërgjigjuBravo,tani ndani hiset
PërgjigjuEc aty. U bo deti kos e do turren hajnat e politikes te mbushin xhepat
PërgjigjuThankyou EU!
PërgjigjuPo mori populli 1 lek na kto do jet mrekulli. T gjitha kta do i han
Përgjigju