Brukseli do të propozojë këtë javë ‘fuqi të forta’ për të shkurtuar fondet në vende të tilla si Polonia dhe Hungaria, ku pavarësia gjyqësore është nën kërcënim, por do t’i lërë ata ‘në grep’ për miliarda euro në angazhimet e buxhetit të BE.
Në një lëvizje duke rrezikuar një zemërim me Varshavën dhe Budapestin, Komisioni Europian do të njoftojë të mërkurën ndryshimin në legjislacion, duke e lejuar atë të shkurtojë paratë e BE-së në vendet ku problemet me sundimin e ligjit rrezikojnë administrimin e shëndoshë financiar, raporton FT.
Ç’është më e rëndësishmja, çdo ulje e fondeve të vendosura sipas ligjit, nuk do të lehtësonte shtetin anëtar të detyrimeve buxhetore të BE. Kjo do të thotë se mbetet përgjegjës për angazhimet e subvencioneve të bëra për fermerët dhe financimin e projekteve të investimeve në vazhdim, sipas zyrtarëve të njohur me reformat. “Ndërtimi i urës apo projektet e tjera, do të vazhdojnë,” tha një diplomat i BE. “Kjo nuk do të ndëshkojë përfituesit e fondeve të BE.”
Masa e sundimit të ligjit është një nga elementet më kontestues të propozimeve të komisionit për buxhetin afatgjatë të BE, i cili do të mbulojë më shumë se 1 trilion të shpenzimeve midis viteve 2021-27.
Gjatë diskutimeve, zyrtarët e lartë të Komisionit vendosën kundër një ligji më të gjerë që lidh “vlerat” me paratë, ose një lidhje të drejtpërdrejtë me të ashtuquajturin “neni 7” në procesin e sundimit të rendit të ligjit.
Komisioni vitin e kaluar formalisht paralajmëroi se kishte një “rrezik të qartë për një shkelje serioze të sundimit të ligjit në Poloni” nga reformat që sistematikisht u mundësuan politikanëve të “ndërhyjnë në përbërjen, pushtetin, administrimin dhe funksionimin e degës gjyqësore”./Monitor