Presidenti i ri iranian, Masoud Pezeshkian duket një lider premtues për rivitalizimin e marrëdhënieve mes Iranit dhe Bashkimit Europian.
Pas fitoi zgjedhjet e balotazhit më 5 korrik, duke marrë 53.7 për qind të votave, Nabila Massrali, zëdhënësja e BE-së për politikë të jashtme dhe siguri, uroi Pezeshkian dhe theksoi gatishmërinë e bllokut europian për bashkëpunim me presidentin e ri.
“Ne jemi në dijeni për rezultatin e zgjedhjeve presidenciale në Iran dhe e urojmë presidentin e zgjedhur Masud Pezeshkian. Ne jemi të gatshëm të angazhohemi me Qeverinë e re në përputhje me politikën e BE-së për angazhim kritik”.
Pezeshkian shquhet si besnik i idesë për hapjen e marrëdhënieve mes vendit të tij dhe Perëndimit.
Ai ka bërë thirrje për “marrëdhënie konstruktive” me vendet e Perëndimit, si dhe mbështet ringjalljen e marrëveshjes bërthamore të vitit 2015 mes Iranit dhe fuqive globale.
Pas marrëveshjes bërthamore të vitit 2015, SHBA-ja i hoqi sanksionet kundër Iranit, por më 2018, presidenti i atëhershëm amerikan, Donald Trump, u tërhoq nga marrëveshja, duke rikthyer kështu sanksionet.
SI.E.//ReportTv.al