Bashkimi Europian ka arritur konsensusin pas një maratone të gjatë diskutimesh për të zgjedhur drejtuesit e rinj pas zgjedhjeve që u zhvilluan në fund të majit për Parlamentin Europian.
Ministrja gjermane e Mbrojtjes Ursula von der Leyen është propozuar për postin më të lartë të bllokut, presidente të Komisionit Europian në vend të Jean Claude Juncker.
Leyen është aleate e ngushtë e kancelares Merkel, ndërsa do të jetë gruaja e parë në drejtimin e KE-së. Charles Michel është nominuar që të marrë presidencën e Këshillit Europian në vend të Donald Tusk.
Charles Michel do të jetë belgu i dytë në krye të Këshillit Evropian dhe ai do të përfaqësojë liberalët në institucionet evropiane. Nga viti 2014 ai drejton qeverinë belge.
Shefi i ri i politikës së Jashtme pritet të jetë spanjolli Josep Borrell në vendin e Mogerinit. Drejtuesja e FMN-së Christine Lagarde do të jetë presidentja e Bankës Qendrore Europiane, që tani mbahet nga Mario Dragi.
Komente
