Zyrtarizimi i listave të kandidatëve për deputetë nga partitë kryesore vijon të prodhojë befasi. Në shator të vitit 2020, administrator i OSHEE-së, Adrian Çela, u caktuar si drejtues i fushatës së Partisë Socialiste në Durrës, për zgjedhjet parlamentare të 25 prillit 2021. Kjo lëvizje u lexua edhe si një lëvizje të Vangjush Dakos, një nga personazhet kryesor sa i takon peshës dhe lidhjeve elektorale të PS-së në Durrës.
Por, ndërsa Çela u zhvendos në Durrës për drejtimin e fushatës, çuditërisht emri i tij nuk figuron në listën e kandidatëve për deputetë të Partisë Socialiste për Qarkun e Durrësit, listë e cila është paraqitur në KQZ ditën e hënë. Adrian Çela nuk është përfshirë as listën për Qarkun e Durrësit dhe në asnjë zonë tjetër. Është rast i pazakontë kur një drejtues fushate të mos figurojë në lista.
Nuk dihet se çfarë ka ndodhur me saktësi, nëse Adrian Çela është përfshirë në një zonë jo fituese në listë dhe nuk ka pranuar, nuk është përfshirë fare apo ka preferuar të qëndrojnë drejtor i OSHEE-së. I kërkuan një reagim Çelës, por nuk morën përgjigje.
Komente
Po ca i duhet deputeti Celes, thesin e mbush ne Oshee.
Përgjigju