Kombëtarja shqiptare befasoi në ndeshjen e fundit paraeliminatore të Botërorit, duke fituar 67-78 me Austrinë në Vienë. Një sukses që vinte pas 10 ndeshjesh në transfertë dhe që u cilësua si një fitore nderi për kuqezinjtë e koshit pavarësisht se e mbyllën të fundit në grup.
“Ishim të fokusuar për fitore në ndeshjen me Armeninë që të kapnim vendin e dytë, pastaj normal kundër Austrisë duhet ta luftonim deri në fund sepse ato I kishin arritur 3 fitoret e veta dhe nuk mund ta kishin fokusin 100%. Ne na duhej, nuk kishim gjë për të humbur dhe mund të jepnim maksimumin pa bërë llogari,”-u shpreh Eldi Hysa, basketbollist i kombëtares.
Eldi Hysa u shpall lojtari i ndeshjes me 17 pikë dhe 5 asist, ndërsa bëri edhe 1 rebaund, por për Report TV ai thotë se këtë herë çelësi i suksesit ishte loja në grup.
“Ajo që na ka munguar gjithë këto vite është të luanim bashkë si grup. Nëse shohim ndeshjen dallohet që të gjithë janë efektiv në lojë sin ë mbrojtje ashtu edhe në sulm, të gjithë kanë shënuar, vrapuar, kanë dhënë maksimumin sepse në këto ndeshje nuk fitohet vetëm me aftësi por sa dëshirë ke për t’ia dalë,"-tha Eldi Hysa, basketbollist i kombëtares.
Sipas basketbollistit, i cili prej 5 vitesh është pjesë e kombëtares, ky sukses do ti hapë rrugë fitoreve të tjera.
“Për mua është motivim që ne fitojmë pas shumë kohësh jashtë fushe. Më motuivon akoma më shumë që të shkojmë me kokën lart për ndeshjet e tjera. Jo vetëm për tu paraqitur por edhe për të marrë rezultate të mira,”-deklaroi Eldi Hysa, basketbollist i kombëtares.
Eldi Hysa përveçse në kombëtare, në kampionatin e Shqipërisë aktivizohet me Besëlidhjen që është edhe ekipi kampion në fuqi.
Komente
