TIRANË- Një ministri e ri do t’i shtohet kabinetit qeveritar. Presidenti Bajram Begaj ka dekretuar propozimin e Ramës, duke emëruar kështu Adea Pirdenin si ministre e shtetit për Administratën Publike dhe Anti-Korrupsionin.
Pireni u propozua nga kreu i qeverisë më datë 11 janar, ndërsa mbante postin e zëvendësministrit të Drejtësisë dhe të zv.kryenegociatores me Bashkimin Evropian. Sipas Ramës, krijimi i këtij dikasteri të ri do të ndihmojë në qasjen e re ndaj administratës publike.
Ky është ndryshimi i dytë në kabinetin qeverisës. Më 12 janar Blendi Gonxhja u dekretua në krye të ministrisë së re të Ekonomisë, Kulturës dhe Inovacionit. Ervin Mete u shkarkua nga detyra e Ministrit të Financave dhe Ekonomisë dhe u emërua në detyrën e Ministrit të Financave. Gjithashtu, Begaj dekretori edhe shkarkimin e Elva Margaritit nga detyra e Ministres së Kulturës.
Adea Pirdeni u emërua zëvendësministre e Drejtësisë shtatorin e vitit 2020, teksa vinte nga bota akademike si pedagoge në Fakultetin e Drejtësisë. Gjatë këtyre mbi 3 viteve Pirdeni ka mbuluar në portofolin e saj kryesisht çështje të integrimit evropian si pjesë e Grupit Negociator për Aderimin e Republikës së Shqipërisë në BE për Kapitullin 23 mbi “Gjyqësorin & të Drejtat e Njeriut”, antikorrupsionit dhe kuadrit strategjik në fushën e drejtësisë.
Dekreti për emërimin e Adea Pirenit
Komente
