Një aksident i rëndë rrugor ka ndodhur këtë pasdite në Belsh ku një motoçikletë ka dalë nga rruga dhe është përplasur me murin mbrojtës. Si pasojë ka humbur jetën drejtuesi i motoçikletës, Besnik Shehu, 45-vjeç.
Përplasja ka qenë mjaft e fortë çka ka bërë që drejtuesi i motorit të ndërrojë jetë në vend. Grupi ndodhet në vendngjarje dhe po punon për sqarimin e rrethanave të aksidentit ku paraprakisht dyshohet se shkak ka qenë shpejtësia e lartë.
Pamje nga vendi i ngjarjes
Njoftimi i Policisë:
Rreth orës 16:30, në hyrje të qytetit të Belshit, duke drejtuar motoçikletën tip "Vinxiang", shtetasi Besnik Shehu, rreth 45 vjeç, banues në fshatin Seferan, Belsh , ka dalë nga rruga dhe si pasojë është përplasur me murrin mbrojtjes të rrugës.
Si pasojë shtetasi B.Sh, për shkak të plagëve të marra ka ndërruar jetë në vendin e aksidentit.
Grupi ndodhet në vendngjarje dhe po punon për sqarimin e rrethanave të aksidentit.