Kronikë

‘Benz’-i ku udhëtonin 5 familjarë merr flakë në ecje në rrugën Belsh-Kuçovë, nuk ka të lënduar! Zjarri djeg shkurret, u rrezikuan dhe banesat (VIDEO)

Vetura u përfshi nga zjarri në shkaqe ende të panjohura, teksa anëtarët e një familjeje që udhëtonin në të dolën në kohë. Hetime për shkaqet. Zjarri shkaktoi vatër edhe në bimësinë aty pranë banesave, forcat shuan flakët në kohë

11 Korrik, 17:07| Përditesimi: 11 Korrik, 17:57

  • Share

Belsh- Një veturë është përfshirë nga flakët në rrethana e shkaqe të panjohura në udhëtim e sipër, teksa fatmirësisht nuk ka persona të lënduar nga zjarri.

Ngjarja ndodhi pasditen e sotme, në aksin rrugor Belsh-Kuçovë.

Një autoveturë tip “Benz” ku udhëtonin 5 anëtarë të një familjeje, u përfshi nga flakët. Zjarri ishte i përmasave të mëdha, ndërsa u dogjën përveç mjetit edhe disa shkurre, të cilat rrezikonin shtëpitë afër rrugës.

Menjëherë forcat e zjarrfikëse të Bashkise Belsh, në bashkëpunim me policinë bënë të mundur shuarjen e flakëve dhe po hetohet për shkaqet e zjarrit.

A.Q/ReportTv.al
Komento

Komente

  • Sondazhi i ditës:

    Aksioni ndaj objekteve pa leje në sezon turistik, a dëmtohet imazhi i vendit?