Champions League mbylli të enjten raundin e parë në formatin e ri të kompeticionit. Në Bergamo, Atalanta dhe Arsenal barazuan 0-0 në një përballje të kujdesshme, që në fund "fituese" pa frikën dhe portierin mik, Raya.
Këtë duel nga minuta e parë e nisi Berat Gjimshiti, që luajti gjithë takimin për italianët. I rikthyer nga dëmtimi që e mbajti jashtë për dhjetë ditë, Gjimshiti luajti një ndeshje të mirë në Champions, teksa edhe fundjavën e kaluar u aktivizua në kampionat.
Nota 7.0 për kapitenin e Kombëtares që është ndër më të vlerësuarit mes 22 futbollistëve në fushë. I fortë në luftën në ajër, i mirëvendosur dhe i aftë për të fituar duelet një kundër një, Berat tregoi edhe njëherë se përse është shtyllë e prapavijës dhe i besuari i Gasperinit.
Më i miri në fushë padyshim portieri i Arsenalit, David Raya. Gardiani bëri heroin në minutën e 51-të duke ndalur Reteguin në dy rastet e penalltisë. Goditja e sulmuesin u ndal nga portieri, ndërsa topi i kthyer u godit sërish nga sulmuesi, që pa sesi Raya 'fluturoi' në vijën fatale për ta larguar.
Notat e Atalanta 0-0 Arsenal sipas "Sofascore"
