BERAT- Ngjarja e rëndë ka ndodhur mëngjesin e së enjtes në familjen Hoxha. Fillimisht ka hyrë në pus, 75 vjeçari Kamber Hoxha i cili po përpiqej të rregullonte shkallët e pusit 10 metra të thellë. Ai është asfiksuar nga gazi dhe ka kërkuar ndihmë. Për ta shpëtuar ka hyrë në pus nipi, Gentian Golashi 44 vjeç. As ai nuk ka mundur të dalë i gjallë prej andej....
Më pas ka hyrë nipi i dytë Neim Hoxha 46 vjeç, i cili u nxor nga zjarrfikëset në gjendje të rëndë, por ndërroi jete rrugës për në spital.
Shërbimet e Policisë, zjarrfikëset dhe ambulanca kanë shkuar në vendin e ngjarjes rreth 40 minuta pasi ishin njoftuar nga familjarët. Drejtori i policisë së Beratit tha për mediat se ishte e pamundur shpëtimi i tyre. Ndërsa një grua, e afërme e familjes Hoxha shprehet mes lotësh se jemi rritur në një familje.
Kamber Hoxha e kishte marrë në shtëpi për ta rritur djalin e motrës, Gentian Golashin, i cili kishte mbetur jetim, por fatkeqësisht mbeten të vdekur në pus, bashkë dhe me nipin tjetër, djalin e vëllait të 75- vjeçarit. Report Tv sjell video nga vendi i ngjarjes dhe nga momenti tragjik i nxjerrjes së trupave të pajetë.
Në një intervistë për Report Tv, një nga fqinjët, mes lotëve ka mundur të tregojë shumë pak nga ngjarja e rëndë.
"O bir, bir, si ike kështu o bir, more dhe të rinjtë o bir! S'na mban vendi. Jemi rritur në një familje, hanim pinim tok", tha e moshuara.
Policia e Beratit ka dhënë informacion zyrtar mbi ngjarjen e rëndë ku humbën jetën tre persona.
"Babai ka hyrë i pari 75-vjeç dhe pastaj kanë hyrë për ta shpëtuar djali dhe nipi për ta shpëtuar pa kuptuar se është mungesë totale oksigjeni! Pavarësisht përpjekjeve, të tre arritën në spital pa shenja jete! Është një rast fatkeq, ne do të ndjekim të gjitha procedurat ligjore, nesër do marrim masat e duhura për të respektuar edhe rregullat e COVID-19, Për të mos pasur fatkeqësi të tjera", njofton drejtori i policisë së Beratit, Hasan Ahmetaj.
Report Tv sjell video nga momenti tragjik, kur një nga viktimat është nxjerrë i pajetë nga pusi. Siç shihet në video, në vendngjarje janë forca të shumtë policie, zjarrfikëse, por edhe banorë të lagjes.
U nxor nga pusi me shenja jete, ndërron jetë në spital Neim Hoxha. Shkon në tre numri i viktimave.
.jpg)
Nxirret i pajetë trupi i Kamber Hoxhës! Shkon në 2 numri i viktimave.
Një person është nxjerrë i vdekur nga pusi, e ndërsa tjetri me shenja jete i cili është dërguar me urgjencë në spital. Gazetar i Report Tv bën me dije se Gentian Hoxha ka humbur jetën, ndërsa Neim Hoxha ka shenja jete.
Komente
Nuk behen keto pune fshatce,,,hapja e pusit eshte zanat,,therrisni ata qe jane zanatcinj,,pusaxhite....nuk eshte hera e pare,,ngushellime,,..
PërgjigjuNuk ka ditë të mos shuhen 3-5-7-10 shqiptare nga atentatet, aksidentet, mendja e kokes etj
PërgjigjuPo ai fshatari njeriu i egër si u bertet gazetareve? Imagjinoni ç farë toni në zerin e tij tamam si tek filmi Planeti i Majmuneve. Njeri i eger vetem se ka vene nje kapele, nje xhakete e nje pale kepuce.
PërgjigjuTragjike, ngushellime.
Përgjigju