Berat-Policia e Beratit ka vënë në pranga një 43 vjeçar të shpallur në kërkim, pasi iu gjetën 50.8 kg cannabis dhe 240 rrënjë cannabis në banesë.
Sipas policisë 43- vjeçari Armando (alias Bledar) Dyli, ishte shpallur në kërkim në muajin Tetor 2023, pasi gjatë operacionit "Brothers", në banesën e 2 vëllezërve (1 prej tyre u arrestua gjatë operacionit), u gjetën 50.8 kg lëndë narkotike cannabis dhe 240 rrënjë bimë narkotike cannabis.
Ndaj 43 vjeçarit, banues në fshatin Pobrat, Dimal, Gjykata e Shkallës së Parë të Juridiksionit të Përgjithshëm Berat ka vendosur masën e sigurisë "Arrest në burg", për veprat penale "Prodhimi dhe shitja e narkotikëve", "Kultivimi i bimëve narkotike", "Vjedhja e energjisë elektrike dhe impulseve telefonike", në bashkëpunim.
‘Ky shtetas ishte shpallur në kërkim në muajin Tetor 2023, gjatë operacionit "Brothers", ku në banesën e 2 vëllezërve (1 prej tyre u arrestua gjatë operacionit), u gjetën 50.8 kg lëndë narkotike cannabis dhe 240 rrënjë bimë narkotike cannabis’, njoftoi sot policia.
Gjithashtu gjatë kontrolleve për kapjen e 43-vjeçarit, shërbimet e Policisë kapën dhe arrestuan në flagrancë shtetasin Rejnaldo Muço, 20 vjeç, banues në lagjen "Uznovë", Berat, pasi dyshohet se shpërndante lëndë narkotike. Në cilësinë e provës materiale u sekuestruan një sasi lënde narkotike cannabis, 1 përforcues grushti dhe një peshore elektronike.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat për veprime të mëtejshme.
Komente
