Ka përfunduar procesi i numërimit të votimeve në Primaret për të gjitha bashkitë në qarkun e Beratit. Në total sa i takon bashkisë së Beratit, 642 persona kanë votuar në total, nga ku 524 prej tyre kanë qenë për Zija Ismailin, 32 vota për Sazan Gurin dhe 80 vota për Klejdi Spahiun. Ndërsa 3 vota janë shpallur të pavlefshme.
Në Poliçan ka pasur vetëm një kandidat të vetëm, për pasojë fitues është shpallur Behar Xhaferraj i cili ka marrë 92 vota, ndërsa 2 vota janë shpallur të pavlefshme.
Po ashtu dega e Rithemelimit në Skrapar ka mbyllur procesin e numërimit duke shpallur fitues, Euglen Mustafallari me 156 vota, i cili po ashtu ishte kandidat i vetëm.
Në Dimal është shpallur fitues Gentian Meci i cili ka arritur të sigurojë 187 vota kundrant 86 votave të Thoma Rumnicit.
Ndërsa në Kuçovë, ku pati dorëheqje nga Brikena Koroveshi e vetmja kandidate përballë Lefter Maliqit, është mbyllur procesi i numërimit, ku me 339 vota është shpallur fitues Lefter Maliqi.
Lajmi kryesor:
Përfundon votimi për primaret, Berisha: Procesi s'ishte i përsosur! 7 bashki në balotazh! Ja disa prej fituesve
B.V/ReportTv.al