Një kamarier 17-vjeçar është rrahur brutalisht në ambientet e punës. Ngjarja e rëndë ka ndodhur rreth orës 00:45 në një piceri në qendër të qytetit të Beratit.
Autorë janë dy vëllezër dhe shoku i tyre, të tre të moshës 16-vjecare. Ata kanë rrahur kamerierin pas konfliktit fizik në piceri, duke i shkaktuar plagë të shumta. Sipas burimeve policore në vendngjarje, adoleshentet kanë goditur me grushta, shkelma e karrige kamerierin. Report TV mëson se sherri fillimisht ka nisur në rrjete sociale dhe më pas të rinjtë kanë shkuar në picerinë ku punonte 17 vjeçari.
Fillimisht në polici janë shoqëruar 12 shtetas, mes tyre 3 autorët, menaxheri i biznesit dhe disa klientë që u pyeten për konfliktin. Pas marrjes në pyetje policia mbajti në qeli 16-vjecaret. Mësohet se për zbardhjen e ngjarjes janë sekuestruar nga policia kamerat e sigurisë së biznesit. I plagosuri është transportuar drejt Spitalit të Beratit ku ndodhet jashtë rrezikut për jetën.
Komente
Cne ne oren 1 te nates hapur piceria? Ne na mbyllim qe ne 10 te rri Shef I I lagjes tek dera e kur e mbyll I'm vjen e kontrollon edhe qepeniin edhe oren
Përgjigju